ସ୍ଥାନୀୟ ଗୁଡିକୁ ଅଣଦେଖା କରି ବାହାର ଗାଡି କରୁଛି ମାଲ ପରିବହନ l ପ୍ରବଳ ବର୍ଷା କୁ ଖାତିର ନ କରି ପାରାଦୀପ ତୈଳ ବିଶୋଧନାଗାର ରୁ କାଟାଲିଷ୍ଟ ପାଉଡ଼ର ଲୋଡ଼ କରି ଯାଉଥିବା ଆନ୍ଧ୍ର ପ୍ରଦେଶ ଗାଡି କୁ ଅଟକାଇଛି ତିନିଗୋଟି ଟ୍ରକ ମାଲିକ ସଙ୍ଘ ର ମିଳିତ ସମନ୍ୱୟ କମିଟି ଜେସିସି l ବିଳମ୍ବିତ ରାତ୍ରି ରେ ଖବର ପାଇବା ପରେ ଅଭୟଚାନ୍ଦପୁର ପୋଲିସ ପହଞ୍ଚି ଗାଡିଟିକୁ ଥାନା କୁ ନେବା ସହିତ ଜେସିସି ସଦସ୍ୟ ମାନଙ୍କ ସହିତ ଆଲୋଚନା ଜାରି ରହିଛି l ତେବେ ଜେସିସି ସଦସ୍ୟ ମାନଙ୍କ ଅଭିଯୋଗ ଅନୁଯାଇ ସ୍ଥାନୀୟ ଅଞ୍ଚଳ ବାସି ନିଜର ଜମି ଦେବା ପରେ ରୋଜଗାର ହରାଇଛନ୍ତି, କମ୍ପାନୀ ର ପ୍ରଦୂଷଣ ରେ ରୋଗ ଯନ୍ତ୍ରଣା ରେ ଛଟପଟ ହେଉଛନ୍ତି, କିନ୍ତୁ ନିଜର କୁଟୁମ୍ବ ପ୍ରତିପୋଷଣ ପାଇଁ କାଢିଥିବା ଖଣ୍ଡିଏ ଖଣ୍ଡିଏ ଟ୍ରକ ରେ ମାଲ ପରିବହନ କରିବାକୁ ସ୍ଥାନୀୟ କମ୍ପାନୀ ମାନେ ସେମାନଙ୍କ ସହିତ ଖେଳ ଖେଳୁଛନ୍ତି l
ଯାହାର ସଦ୍ୟତମ ଉଦାହରଣ ପାରାଦୀପ ତୈଳ ବିଶୋଧନାଗାର ତରଫରୁ ସ୍ଥାନୀୟ ଟ୍ରକ ମାଲିକ ମାନଙ୍କୁ ଉପେକ୍ଷା କରି ବାହାର ରାଜ୍ୟ ର ଗାଡି ଗୁଡିକୁ ମାଲ ପାରିବହନ କରିବାକୁ ଅନୁମତି ଦେଉଛନ୍ତି l ବିଗତ ଦିନରେ ବିଭିନ୍ନ କମ୍ପାନୀ ରେ ଜେସିସି ତରଫରୁ ଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଇଥିଲେ ମଧ୍ୟ କମ୍ପାନୀ ଗୁଡିକ ସ୍ଥାନୀୟ ଟ୍ରକ ମାଲିକ ମାନଙ୍କୁ ଅଣଦେଖା କରୁଥିବା ଅଭିଯୋଗ ଆଣିଛନ୍ତି l କମ୍ପାନୀ ମାନେ ବାହାର ଗାଡିକୁ ମାଲ ପରିବହନ ପାଇଁ ଯେତିକି ଅର୍ଥ ପ୍ରଦାନ କରୁଛନ୍ତି, ଜେସିସି ସହିତ ଆଲୋଚନା କରି ସେତିକି ଅର୍ଥ ପ୍ରଦାନ କରିବା ସହିତ ସ୍ଥାନୀୟ ଗାଡି ଗୁଡିକୁ ମାଲ ପରିବହନ ରେ ନିୟୋଜିତ କରିଲେ ସ୍ଥାନୀୟ ଲୋକ ଉପକୃତ ହୋଇ ପାରନ୍ତେ l କିନ୍ତୁ କମ୍ପାନୀ ଗୁଡିକ କିଛି ନିର୍ଦିଷ୍ଟ ଟ୍ରାନ୍ସପୋର୍ଟ କମ୍ପାନୀ ଜରିଆରେ ବାହାର ଗାଡି ଗୁଡିକୁ ମାଲ ପରିବହନ କରିବାକୁ ଅନୁମତି ଦେଉଛନ୍ତି l ଯାହାକୁ ବିରୋଧ କରିଛି ଜେସିସି l ଯଦି କମ୍ପାନୀ ଏହି ଘଟଣା ର ସମାଧାନ ନ କରେ ତେବେ ଟ୍ରକ ମାଲିକ ମାନଙ୍କ ପେଟ ପାଟଣା ପାଇଁ ଆଗାମୀ ଦିନରେ ଏହିଭଳି ବିରୋଧ ପ୍ରଦର୍ଶନ କରିବାକୁ ଜେସିସି ର ସଦସ୍ୟ ମାନେ ଚେତାବନୀ ଦେଇଛନ୍ତି l