ସୂର୍ଯ୍ୟ ଅଭିଯାନ ପାଇଁ ମହାକାଶକୁ ପଠାଯାଇଥିବା ଆଦିତ୍ୟ ଏଲ-୧ ଇତିମଧ୍ୟରେ ବୈଜ୍ଞାନିକ ତଥ୍ୟ ପଠାଇବା ଆରମ୍ଭ କରିଛି ବୋଲି ଭାରତୀୟ ମହାକାଶ ଗବେଷଣା ସଂସ୍ଥା ଇସ୍ରୋ ପକ୍ଷରୁ କୁହାଯାଇଛି ।
ଆଦିତ୍ୟ ଏଲ-୧ରେ ଖଞ୍ଜାଯାଇଥିବା ଯନ୍ତ୍ର ସ୍ପେକ୍ଟ୍ରୋମିଟର ସହାୟତାରେ ପୃଥିବୀପୃଷ୍ଠରୁ ୫୦ ହଜାର କିମି ଦୂରରୁ ସୁପ୍ରା ଥର୍ମାଲ ଏବଂ ଏନର୍ଜେଟିକ୍ ଆଇଅନ୍ସ ଏବହ ଇଲେକ୍ଟ୍ରନ୍ସ ମାପଚୁପ କରିଥିବା ଜଣାପଡିଛି ।
ଏହି ତଥ୍ୟକୁ ଆଧାର କରି ଇସ୍ରୋ ବୈଜ୍ଞାନିକମାନେ ପୃଥିବୀ ଚାରିପଟେ ଥିବା ପାର୍ଟିକିଲ୍ସ ସମ୍ପର୍କରେ ଅଧିକ ସୂଚନା ହାସଲ କରିପାରିବେ ବୋଲି ଆଶା କରାଯାଉଛି ।
ସେପ୍ଟେମ୍ବର ୨ରେ ଉତ୍କ୍ଷେପଣ କରାଯାଇଥିବା ଆଦିତ୍ୟ ଏଲ-୧ ବର୍ତ୍ତମାନ ପୃଥିବୀ କକ୍ଷପଥ ତ୍ୟାଗ କରି ସୂର୍ଯ୍ୟଙ୍କ ଆଡକୁ ଅଗ୍ରସର ହେବାରେ ଲାଗିଛି ।
ଆସନ୍ତା ଜାନୁଆରୀ ପ୍ରଥମ ସପ୍ତାହ ସୁଦ୍ଧା ଏହା ପୃଥିବୀଠାରୁ ୧୫ ଲକ୍ଷ କିମି ଦୂର ଏଲ-୧ ପଏଣ୍ଟରେ ପହଞ୍ଚିବ ବୋଲି ଯୋଜନା ପ୍ରସ୍ତୁତ କରାଯାଇଛି ।