ଅଳତୀ ସରସ୍ୱତୀ ଶିଶୁ ମନ୍ଦିର ର କୃତୀ ଛାତ୍ର ଛାତ୍ରୀ ଙ୍କୁ ସମ୍ବର୍ଦ୍ଧନା କରାଯାଇଛି । ଘଷିପୁରା ବ୍ଳକ ଅଳତୀ ସରସ୍ୱତୀ ଶିଶୁ ମନ୍ଦିରରେ ପ୍ରଧାନ ଆଚାର୍ଯ୍ୟା ପ୍ରମୋଦିନି ରାଉତ ଙ୍କ ସଂଯୋଜନା ରେ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା । ଏହି ପରିପ୍ରେକ୍ଷୀରେ ରେ ପଞ୍ଚମ ଓ ଷଷ୍ଠ ଶ୍ରେଣୀର ଯେଉଁ ଛାତ୍ରଛାତ୍ରୀ ମାନେ ଓଡ଼ିଶା ଆଦର୍ଶ ପରୀକ୍ଷା ସଫଳତା ହାସଲ କରିଥିଲେ ଏବଂ ନବୋଦୟ ପରୀକ୍ଷାରେ ସଫଳତା ହାସଲ କରିଥିଲେ ସେମାନଙ୍କୁ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧନା ଦିଆଯାଇଥିଲା । ପଞ୍ଚମ ରୁ ଦୀପଶିଖା ଧିର ଉଭୟ ଆଦର୍ଶ ଓ ନବୋଦୟ ରେ ଓ ରଶ୍ମିତା ବାରିକ, ଅମ୍ରିତ୍ ବେହେରା, ଶୁଭଲକ୍ଷ୍ମୀ ସାହୁ, ଜ୍ଞାନପ୍ରକାଶ ବୋଇତେଇ, ରୁଦ୍ର ମାଧବ ଜେନା, ସୋହନ କୁମାର ସ୍ବାଇଁ ଆଦର୍ଶ ପରୀକ୍ଷା ରେ ସଫଳତା ପାଇଛନ୍ତି ।
ଷଷ୍ଠ ଶ୍ରେଣୀ ରୁ ଭୁବର୍ଶ୍ୱେତା ପାତ୍ର ଓ ଆଦିତ୍ୟ ସାହୁ ଏହି ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଏହି ସମ୍ବର୍ଦ୍ଧନା ସଭାରେ ବିଦ୍ୟାଳୟର ସଭାପତି ଡ଼. ରତିକାନ୍ତ ବରାଳ ଉପସ୍ଥିତ ରହି ଶିଶୁ ଭାଇ ଭଉଣୀ ମାନଙ୍କର ଆଗାମୀ ଭବିଷ୍ୟତ ଉଜ୍ଜ୍ୱଳମୟ ହେଉ ଏବଂ ଶିଶୁ ମନ୍ଦିର ପାଇଁ ଗୌରବ ଆଣିଥିବାରୁ ସେମାନଙ୍କୁ ପୁଷ୍ପ ଗୁଚ୍ଛ ଦେଇ ସମ୍ବର୍ଦ୍ଧିତ କରିଥିଲେ । ଏହି ସଫଳତା ପାଇଁ ପରିଚଳନ ସମିତି ର ସମ୍ପାଦକ ଜନ୍ମେଜୟ ବରାଳ, ସଭାପତି ଡ଼ ରତିକାନ୍ତ ବରାଳଙ୍କ ସମେତ ପରିଚାଳନା ସମିତିର ସମସ୍ତ ଗୁରୁଜୀ ଗୁରୁମା ମାନଙ୍କୁ ଶ୍ରେୟ ଦେଇଛନ୍ତି । ଏହି କାର୍ଯ୍ୟକ୍ରମରେ ସମସ୍ତ ଗୁରୁଜୀ ଗୁରୁମା ସକ୍ରିୟ ସହଯୋଗ କରିଥିଲେ ।