ଅନୁଗୁଳ ଜିଲ୍ଲାର ତାଳଚେରଠାରେ ଥିବା ଜିଲ୍ଲା ବନ୍ଧୁକ ଚାଳନା ସଙ୍ଘ ଦ୍ବାରା ୫ କୋଟି ଟଙ୍କା ଖର୍ଚ୍ଚ ଅଟକଳରେ ଏକ ଅତ୍ୟାଧୁନିକ ସୁଟିଙ୍ଗ ରେଞ୍ଜ ହେବାକୁ ଯାଉଛି। ସୁଟିଂ ରେଞ୍ଜ ପ୍ରତିଷ୍ଠା ପାଇଁ ଭୂମିପୂଜନ ହୋଇଯାଇଛି। ରାଇଫୁଲ କ୍ଳବ ସ୍ଥାପନକୁ ୫୮ବର୍ଷ ପୂରିଛି। ଏହି ଅତ୍ୟାଧୁନିକ ସୁଟିଙ୍ଗ ରେଞ୍ଜ ନିର୍ମାଣ ଦ୍ବାରା ରାଜ୍ୟ ,ଦେଶ ଓ ସମଗ୍ର ଜିଲ୍ଲାରେ ବହୁ ପ୍ରତିଭାବାନ ସୁଟର ଏଠାରେ ଶିକ୍ଷା ଲାଭ କରିପାରିବେ ଓ ନିଜର ପ୍ରତିଭା ଦେଖାଇ ଅଂଚଳକୁ ଗର୍ବିତ କରାଇବେ ବୋଲି ଏହି ଭୂମି ପୂଜନ ଉତ୍ସବରେ ଢେଙ୍କାନାଳ ସାଂସଦ ମହେଶ ସାହୁ, ତାଳଚେରର ବିଧାୟକ ବ୍ରଜକିଶୋର ପ୍ରଧାନ ଯୋଗଦେଇ କହିଥିଲେ।
ଏହି ଭୂମିପୂଜନ ଉତ୍ସବରେ ଡିଷ୍ଟିକ ରାଇଫୁଲ କ୍ଳବର ସଭାପତି ତଥା ତାଳଚେର ଉପଜିଲ୍ଲାପାଳ ମନୋଜ କୁମାର ତ୍ରିପାଠୀ ସଭାପତିତ୍ୱ କରିଥିଲେ। ଏହି କାର୍ଯ୍ୟକ୍ରମରେ ଅନୁଷ୍ଠାନର ସାଧାରଣ ସମ୍ପାଦକ ରାଜା ପ୍ରବୀର ଚନ୍ଦ୍ର ଧୀର ,ରାଜକୁମାର ବିଂକେଶ ଚନ୍ଦ୍ର ଦେବ ,ବରିଷ୍ଟ ସଦସ୍ୟ ବାବୁଲା ସାହୁପ୍ରମୁଖଙ୍କ ସମେତ ବହୁ ସଂଖ୍ୟକ ସୁଟର ,ୱାର୍ଡ କାଉନସିଲର ଯୋଗ ଦେଇଥିଲେ ।