ଲୋକମାନଙ୍କ ନିକଟରେ କିପରି ସ୍ବଛ ପାନୀୟ ଜଳ ପହଁଚି ପାରିବ ସେଥିପାଇଁ ସରକାର ଜଳନିଧି ଯୋଜନା ମାଧ୍ୟମରେ ପ୍ରତେକ ଘରକୁ ପାନୀୟ ଜଳ ଯୋଗାଣ କଲେ । ମାତ୍ର ଗ୍ରାମ୍ୟ ପାନୀୟ ଜଳ ଯୋଗାଣ ବିଭାଗର ଦାୟିତ୍ୱ ହୀନତା ପାଇଁ ସୋଲାର ଯୋଗେ ଜଳ ଯୋଗାଣ ପ୍ରକଳ୍ପ ଅଚଳ ହୋଇପଡିଛି। ଯାହା ଫଳରେ ଲୋକମାନେ ବାଧ୍ୟ ହୋଇ ନଦୀର ଅପମିଶ୍ରିତ ଜଳକୁ ପାନୀୟ ଜଳ ଭାବେ ପିଉଛନ୍ତି। ଏଭଳି ଦୃଶ୍ୟ ଦେଖିବାକୁ ମିଳିଛି କେନ୍ଦ୍ରାପଡା ଜିଲ୍ଲା ମହାକାଳପଡ଼ା ବ୍ଲକ ନଦୀ ନାଳଘେରା ବତୀଘର ପଂଚାୟତ ର ବରକୋଳି ଖୋଳା ଗାଁ ରେ । ଗୋଟିଏ ପଟେ ନଦୀକୁ ପାଣି ଆଣିବାକୁ ଯିବା ବେଳେ କୂମ୍ଭୀର ଭୟ,। ଏଣେ ପାଣି ନନେଲେ ଖାଇବେ କଣ ? ସୋଲାର ଯୋଗେ ପାନୀୟ ଜଳ ପ୍ରକଳ୍ପ ଅଚଳ ହୋଇଥିବାରୁ ନାନା ଅସୁବିଧାର ସମ୍ମୁଖୀନ ହେବାକୁ ପଡୁଛି ବୋଲି ଅଭିଯୋଗ କରିଛନ୍ତି ଗ୍ରାମବାସୀ ।
ଅନ୍ୟପଟେ ଅନ୍ୟ ବିକଳ୍ପ ନଥିବାରୁ ନଦୀ ପାଣିକୁ ପିଇବା ପାଣି ଭାବେ ବ୍ୟବହାର କରୁଛନ୍ତି । କିନ୍ତୁ ନଦୀରେ କୁମ୍ଭୀର ଆତ ଯାତ କରୁଥିବା ବେଳେ ନଦୀ ତୁଠରେ ଶୋଇ ରହୁଛି,। ଫଳରେ ନଦୀକୁ ପାଣି ଆଣିବାକୁ ଯିବାକୁ ଭୟ କରୁଛନ୍ତି ଗ୍ରାମବାସୀ । ସୋଲାର ଜଳ ଯୋଗାଣ ପ୍ରକଳ୍ପ ଅଚଳ ହୋଇଥିବା ନେଇ ଅଂଚଳ ବାସୀ ଅଭିଯୋଗ କଲେ ମଧ୍ୟ ବିଭାଗୀୟ ଅଧିକାରୀ କୁମ୍ଭକଣ୍ଣ ନିଦରେ । ଏଥିପ୍ରତି ତୁରନ୍ତ ପ୍ରଶାସନ ଦୃଷ୍ଟି ଦେଇ ସମସ୍ୟାର ସମାଧାନ କରିବାକୁ ଅନୁରୋଧ କରିଛନ୍ତି ଅଂଚଳ ବାସୀ ।