ଅକ୍ଷୟ କୁମାରଙ୍କ ବଦଲା ନେଲେ କମେଡିଆନ କପିଲ ଶର୍ମା । କଣ ଆଶ୍ଚର୍ଯ୍ୟ ଲାଗୁଛି ନା । ଆପଣ ଭାବୁଥିବେ ଅକ୍ଷୟ କୁମାର ଏବଂ କପିଲ ଶର୍ମଙ୍କ ମଧ୍ୟରେ ସମ୍ପର୍କ ଅତି ନିବିଡ । କାହିଁକି ନା ଅକ୍ଷୟ ତାଙ୍କ ସବୁ ଫିଲ୍ମର ପ୍ରୋମୋସନ ପାଇଁ ଦ କପିଲ ଶର୍ମା ଶୋକୁ ବାଛିଥାନ୍ତି । ସେମାନଙ୍କ ଭିତରେ ବେଶ ମଜା ମଜଲିସ ମଧ୍ୟ ଚାଲେ । ହେଲେ ହଠାତ୍ ଏମିତି କଣ ହୋଇଗଲା ।
ବାସ୍ତବରେ କପିଲ ଶର୍ମା ପୂର୍ବରୁ ଏକ ବିଜ୍ଞାପନ କରିଥିଲେ, ଯାହାକୁ ଗତ ବର୍ଷ ଅକ୍ଷୟ କୁମାର ହାତେଇ ନେଇଥିଲେ । ଆଉ ଏ କଥା କପିଲ ଶର୍ମା ଶୋରେ ହସି ହସି କହିଥିଲେ କପିଲ । ଯାହାର ମୂଳ କଥାକୁ ବୁଝିପାରିନଥିଲେ ଦର୍ଶକ । ହେଲେ ଏବେ ପୁଣି ସେହି ବିଜ୍ଞାପନକୁ ପୁନଶ୍ଚ ହାତେଇ ନେଇଛନ୍ତି କପିଲ ।
ପଲିସିର ଗୋଟିଏ ନୂଆ ଆଡ ଆସୁଛି ଯେଉଁଥିରେ କପିଲ ଶର୍ମା ନଜର ଆସୁଛନ୍ତି । ଏହି ଆଡରେ କପିଲଙ୍କ ସହିତ ଇନଫ୍ଲୁଏନସର ଅଗୁ ଷ୍ଟାନଲି ମଧ୍ୟ ନଜର ଆସୁଛନ୍ତି ।
ଅକ୍ଷୟ କୁମାର ଥରେ ତାଙ୍କ ଚଳଚ୍ଚିତ୍ର ସୂର୍ଯ୍ୟବନ୍ସିର ପ୍ରମୋସନ ପାଇଁ ଦି କପିଲ ଶର୍ମା ସୋ’କୁ ଆସିଥିଲେ । ଯେଉଁଠାରେ କପିଲ ଅକ୍ଷୟଙ୍କୁ ତାଙ୍କ କାମକୁ ମଜା ଉଡାଇଥଲେ । ମଜାରେ କପିଲ କହିଥିଲେ ଏକାବେଳକେ ୮ଟି ଫିଲ୍ମ, ଆଉ ମୋ ଭଳି କେହି ଯିଦି ଛୋଟ ମୋଟ ବିଜ୍ଞାପନ ଫିଲ୍ମ କରୁଛନ୍ତି, ତାହା ବି ଛଡେଇ ନେଉଛନ୍ତି । ସେହି ଶୋରେ କପିଲ ଆହୁରି କହିଥିଲେ ଯେ,ଗୋଟିଏ ବିଜ୍ଞାପନ କରିଥିଲି, ବହୁତ ଭଲ ବି ଚାଲିଥିଲା । ମୁଁ ଭାବିଲି ଠିକ ଅଛି, ଆସନ୍ତା ବର୍ଷ ମତେ ପୁଣି ଡାକିବେ । ଆସନ୍ତା ବର୍ଷ ମୁଁ ୟାଙ୍କୁ ଯମରାଜ ବେଶରେ ଦେଖିଲି ଆଉ ସିଏ କହୁଛନ୍ତି ନିଜ ପଲିସି କରାନ୍ତୁ । ଆଉ କପିଲଙ୍କ ହାତରେ ସେହି ଆଡ ପଡିବା ପରେ ଫ୍ୟାନ୍ ମନେ ବେଶ ଖୁସି ।