ମୁଖ୍ୟମନ୍ତ୍ରୀ ନବୀନ ବାବୁଙ୍କ ଜନ୍ମ ଦିନ ଅବସରରେ ବାଲେଶ୍ବର ବାଲିଆପାଳରେ ଏକ ମେଗା ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି। ରାଜ୍ୟରେ ରକ୍ତର ଅଭାବ ଦୂର କରିବାକୁ ମୁଖ୍ୟମନ୍ତ୍ରୀ ରକ୍ତଦାନକୁ ଗୁରୁତ୍ବ ଦେଇ ଆସିଛନ୍ତି। ତେଣୁ ତାଙ୍କ ଜନ୍ମଦିନରେ ବାଲିଆପାଳ ବ୍ଲକରେ ଜୀବନ ବିନ୍ଦୁ ଏବଂ ଓଡ଼ିଶା-ମୋ ପରିବାରର ମିଳିତ ଆନୁକୂଲ୍ୟରେ ବାଲିଆପାଳ ଶାରୀରିକ ମହାବିଦ୍ଯାଳୟ ଠାରେ ବିଶାଳ ସ୍ବେଚ୍ଛାକୃତ ରକ୍ତଦାନ ଶିବିରକୁ ବସ୍ତା ବିଧାୟକ ନିତ୍ଯାନନ୍ଦ ସାହୁ ଉଦଘାଟନ କରିଥିଲେ। ଏହି ମେଗା ରକ୍ତ ଦାନ ଶିବିରରେ ୪୭୦ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । ବହୁ ସଂଖ୍ୟାରେ ଛାତ୍ର ଛାତ୍ରୀ ଓ ବିଜେଡି ସଦସ୍ୟଗଣ ସ୍ବେଚ୍ଛାକୃତ ଭାବେ ରକ୍ତଦାନ କରିବାକୁ ଆଗେଇ ଆସିଥିବା ଦେଖିବାକୁ ମିଳିଥିଲା। ଶିବିରରେ ପୂର୍ବତନ ବ୍ଲକ ଛାତ୍ର ସଭାପତି ଲକ୍ଷ୍ମୀଧର ପାତ୍ର , ଜିଲ୍ଲା ସଂପାଦକ ଭୈରବ ଦାସ , ପୂର୍ବତନ ଯୁବ ସଭାପତି ସଞ୍ଜୟ ପ୍ରଧାନ , ପୂର୍ବତନ ଜିଲ୍ଲା ସଂପାଦକ ଉଜ୍ଜଳ କୁମାର ଗିରି ପ୍ରମୁଖ ଶିବିର ପରିଚାଳନାରେ ସହାୟତା କରିଥିଲେ।