ନିୟତିକୁ କେହି ବଦଳାଇପାରେନି ଏହାର ସ୍ବସ୍ତର ଉଦାହରଣ ଏବେ କ୍ରିକେଟ୍ ମାଟିରେ ଦେଖାଗଲା। ଟୀମ୍ ମ୍ୟାନେଜମେଣ୍ଟ ସାଧାରଣତଃ ମହମ୍ମଦ ସିରାଜଙ୍କୁ T20 ଯୋଜନାରେ ଅଧିକ ଅବସର ଦେଉନଥିଲା। କିନ୍ତୁ ମନୋହରୀ ଭାବରେ ନିୟତିର ଟ୍ୱିଷ୍ଟ—ବିଶ୍ୱକପ୍ ପାଇଁ ଅପେକ୍ଷାହୀନ ଡାକରା, ଏବଂ ତାହାର ପରବର୍ତ୍ତୀ ଦିନେ ମ୍ୟାଚ୍ ଜିତାଇଦେଇଥିବା ପ୍ରଦର୍ଶନ! ୱାର୍ମ-ଅପ୍ ମ୍ୟାଚ୍ରେ ହର୍ଷିତ ରାଣା ଆହତ ହେବାରୁ ଶେଷ ମୁହୂର୍ତ୍ତରେ ସିରାଜଙ୍କୁ ଦଳରେ ନିଆଯାଇଥିଲା। ସୁଯୋଗ ମିଳିବାମାତ୍ରେ ସିରାଜ ଆମେରିକା ବିରୁଦ୍ଧରେ ୨୯ ରନରେ ୩ଟି ମହତ୍ତ୍ୱପୂର୍ଣ୍ଣ ୱିକେଟ୍ ହାସଲ କରି ମ୍ୟାଚ୍ର ଭାଗ୍ୟ ପଲଟିଦେଲେ। ଏହି ଅପୂର୍ବ ପୁନର୍ନିମାଣ ପରେ ସିରାଜଙ୍କ ହୃଦୟପୂର୍ଣ୍ଣ ପ୍ରତିକ୍ରିୟା—ଭାବପ୍ରବଣତା ଓ ଖୁସିର ଝରି—ଏବେ ସୋସିଆଲ ମିଡିଆ ଓ କ୍ରିକେଟ୍ ମହଲାରେ ଚର୍ଚ୍ଚାର କେନ୍ଦ୍ରବିନ୍ଦୁ।
ବିଶ୍ବକପ୍ ଦଳରେ ସୁଯୋଗ ପାଇନଥିବାରୁ ସିରାଜ ମାଡ୍ରିଡ୍ ଭ୍ରମଣ କରି ସେଠାରେ ନିଜ ପ୍ରିୟ ଫୁଟ୍ବଲ୍ ଦଳ ରିୟଲ୍ ମାଡ୍ରିଡ୍ ମ୍ୟାଚ୍ ଦେଖିବାକୁ ଯୋଜନା କରିଥିଲେ। ଭାରତୀୟ ଦଳରେ ଯୋଗଦେବାକୁ ସିରାଜଙ୍କୁ ଯେତେବେଳେ ଅଧିନାୟକ ସୂର୍ଯ୍ୟକୁମାର ଯାଦବ କଲ୍ କଲେ ସେ ଏହାକୁ ବିଶ୍ବାସ କରିପାରିନଥିଲେ। ଦୁଇ ଦିନ ତଳେ ସୂର୍ଯ୍ୟ ଭାଇ ମୋତେ କଲ୍ କରି କହିଲେ ‘ମିଆଁ ବ୍ୟାଗ୍ ପ୍ୟାକ୍ କର ଓ ମୁମ୍ବାଇ ଆସିଯା’। ମୁଁ ତାଙ୍କୁ ଉତ୍ତରରେ କହିଲି ‘ଭାଇ ମଜା କରନି, କାରଣ ଏଭଳି ହେବାର ନାହିଁ’। ସୂର୍ଯ୍ୟ କିନ୍ତୁ ସ୍ପଷ୍ଟ କରିଥିଲେ ‘ମୁଁ ସତ କହୁଛି, ପ୍ରସ୍ତୁତ ହୋଇଯା’। ଏହାର କିଛି ସମୟ ପରେ ଭାରତୀୟ ଚୟନକର୍ତା ପ୍ରଜ୍ଞାନ ଓଝାଙ୍କ କଲ୍ ଆସିଥିଲା।
‘ସର୍ବଶକ୍ତିମାନ ଯାହା ଲେଖିଯାଇଛନ୍ତି, ତାକୁ କେହି ବଦଳାଇପାରିବେ ନାହିଁ। ରଣଜୀ ମ୍ୟାଚ୍ ପରେ ମୁଁ ଫେବ୍ରୁଆରି ୧୫ରେ ରିୟଲ୍ ମାଡ୍ରିଡ୍ ମ୍ୟାଚ୍ ଦେଖିବାକୁ ଯୋଜନା କରିଥିଲି, ଏହା ପରେ ରମଜାନ ଆସିବ। କିନ୍ତୁ ଈଶ୍ବର ଭିନ୍ନ ଲେଖିଛନ୍ତି…’। ମୁମ୍ବାଇ ଅଭିମୁଖେ ଯାତ୍ରା ପାଇଁ ବିମାନରେ ବସିବା ପରେ ମୋତେ ସ୍ବପ୍ନ ଭଳି ଲାଗୁଥିଲା। କାରଣ ମଁ ବିଶ୍ବକପ୍ କଥା ଭାବି ନଥିଲି’ ବୋଲି ସିରାଜ କହିଥିଲେ।