ଗାଧୋଇବାକୁ ଯାଇ ସୁବର୍ଣ୍ଣରେଖା ନଦୀରେ ଭାସିଯାଇଥିବା ଦଶମ ଶ୍ରେଣୀ ଛାତ୍ରଙ୍କ ମିଳିଲା ମୃତଦେହ । ସୂଚନା ମୁତାବକ, ବାଲେଶ୍ବର ଜିଲ୍ଲା ଜଳେଶ୍ୱର ବ୍ଲକ ଗଡ଼ସାହି ବାଲିଆପାଳ ପଞ୍ଚାୟତ ସୁବର୍ଣ୍ଣରେଖା ନଦୀ ଘାଟକୁ ଗତକାଲି ୩ ଜଣ ସାଙ୍ଗ ହୋଇ ଗାଧୋଇବାକୁ ଯାଇଥିଲେ । ଦୀର୍ଘ ସମୟ ପରେ ଦୁଇ ଜଣ ଘରକୁ ଫେରିଯାଇଥିଲେ । କିନ୍ତୁ, ମନୋରଞ୍ଜନ ଦାସଙ୍କ ୧୫ ବର୍ଷିୟ ପୁଅ ସାହିଲ ଦାସ ଆଉ ଫେରିନଥିଲେ । ସ୍ଥାନୀୟ ସରପଞ୍ଚ ଦମକଳ ବାହିନୀଙ୍କୁ ଖବର ଦେଇଥିଲେ ବି ପହଞ୍ଚିବାରେ ବିଳମ୍ବ ହେବାରୁ ଗ୍ରାମବାସୀ ନଦୀରେ ଜାଲ ପକେଇ ବହୁ ଖୋଜା ଖୋଜି କରିଥିଲେ । ମାତ୍ର ସାହିଲଙ୍କୁ ପାଇନଥିଲେ । ଆଜି ସକାଳେ ଅଗ୍ନି ଶମ ବିଭାଗ ସୁବର୍ଣ୍ଣରେଖା ନଦୀରେ ସ୍ପିଡ଼୍ ବୋର୍ଟ ସାହାଯ୍ଯରେ ଖୋଜା ଖୋଜି କରିବା ପରେ କିଛି ଦୂରରେ ନଦୀରେ ମୃତଦେହ ଭାସୁଥିବା ଦେଖିଥିଲେ ଉଦ୍ଧାରକାରୀ ଦଳ ଆଉ ତାଙ୍କ ମୃତଦେହ ଉଦ୍ଧାର କରାଯାଇଛି ।