ଦୀର୍ଘ ଦିନରୁ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ବଡ଼କୁଳ ଗ୍ରାମରେ ଚାଲିଥିଲା ଚୋରା ମଦ କାରବାର। ଶେଷରେ ଗ୍ରାମବାସୀ ମେଳି ହୋଇ ଦୁଇ ଚୋରା ମଦ ମାଫିଆଙ୍କୁ କରିଛନ୍ତି କାବୁ। ବହୁ ଦିନରୁ ବଡ଼କୁଳ ଗାଁ ଭିତରେ ଦୁଇ ଚୋରା ମଦ ମାଫିଆ ଚଳାଇଥିଲେ ବେଧଡକ ଭାବେ ମଦ ବେପାର। ଫଳରେ ଗାଁରୁ ସହର ସବୁଠି ଲୋକେ ନିଶାରେ ଉବୁଡୁବ ରହୁଛନ୍ତି ଓ ବିଭିନ୍ନ ନାରକୀୟ କାଣ୍ଡ ଘଟାଉଛନ୍ତି। ଯାହାକୁ ନେଇ ସ୍ଥାନୀୟ ଅଞ୍ଚଳରେ ଦେଖାଦେଇଥିଲା ଅସନ୍ତୋଷ। ଆଉ ବଡ଼କୁଳ ଗାଁ ଲୋକେ ଏକତ୍ରିତ ହୋଇ ମଦ ସହିତ ମଦ ମାଫିଆ ଭଗବାନ ସାମଲ ଓ କନ୍ଧିଆ ବେହେରାଙ୍କୁ କାବୁ କରିଥିଲେ। ସୂଚନା ପାଇଁ ନାଭାଲ ଫାଣ୍ଡି ଅଧିକାରୀ ଦିଲ୍ଲୀପ କୁମାର ସାହୁ ଘଟଣାସ୍ଥଳରେ ପହଁଚି ୨ ଜଣକୁ ନିଜ କବଜାକୁ ନେବା ସହ ଅଧିକ ତଦନ୍ତ ଜାରି ରଖିଛନ୍ତି।