ବାଦାମ ପାହାଡ଼ ଥାନା ଅଞ୍ଚଳର ଜଣେ ଯୁବକଙ୍କ ମୃତ୍ୟ ଦେହ ଉଦ୍ଧାର କରିଛି ପଶ୍ଚିମବଙ୍ଗ ପୋଲିସ । ସମ୍ପୃକ୍ତ ଯୁବକଙ୍କୁ ହତ୍ୟା କରାଯାଇଥିବା ଅଭିଯୋଗ ହୋଇଛି । ସୂଚନା ମୁତାବକ, ମୟୁରଭଞ୍ଜ ଜିଲ୍ଲା ବାଦାମ ପାହାଡ଼ ଥାନା ଦେଓଗାଁର ଏସ୍ କେ ଆଫରଜଙ୍କ ବୋଲେରୋ ଗାଡିକୁ ସୋମବାର ନିଜ ଗାଁର ପପୁ ଓ ତାଙ୍କ ସାଙ୍ଗ ମିଶି ଜାମସେଦପୁର ଯିବେ କହି ଭଡ଼ାରେ ନେଇଥିଲେ । ପରେ ଗାଡ଼ି ଭଡ଼ା ନେଇଥିବା ପପୁ ଓ ଅନ୍ୟ ଯୁବକ କୌଣସି ମାମଲାକୁ ନେଇ ଷଢେ଼ଇକଳା କୋର୍ଟକୁ ଯାଇଥିଲେ । ପରେ ଆଫ୍ରଜ ଗାଡ଼ି ନେଇ ଜାମସେଦପୁରକୁ ଯାଇଥିଲେ ବୋଲି ଘର ଲକୋକଙ୍କୁ ଫୋନ୍ ଯୋଗେ ଜଣାଇଥିଲେ । ପରବର୍ତ୍ତୀ ସମୟରେ ଆଫ୍ରଜର ମୋବାଇଲ୍ ସୁଇଜ୍ ଅଫ୍ ହୋଇ ଯାଇଥିଲା । ତେବେ ମଙ୍ଗଳବାର ସକାଳ ସମୟରେ ପଶ୍ଚିମବଙ୍ଗର ପୋଲିସ ବାଗମୁଡି ଥାନା ଠାରୁ ୫ କି.ମି ଦୂର ଲୋୟର ଡେମ୍ ନିକଟ ରାସ୍ତା ତଳକୁ ଖସିପଡିଥିବା ବୋଲେରୋ ସମେତ ଆଫ୍ରଜର ମୃତ୍ୟଦେହ ଉଦ୍ଧାର କରିଥିଲା। ତେବେ ଘଟଣାର ପାରିପାର୍ଶ୍ବିକ ସ୍ଥିତିରୁ ଆଫ୍ରଜକୁ ଯୋଜନାବଦ୍ଧ ହତ୍ୟା କରାଯାଇଛି ବୋଲି ଅନୁମାନ କରାଯାଉଅଛି ।
ଘଟଣାସ୍ଥଳରେ ମୃତ୍ୟକର ମୋବାଇଲ୍ ଫୋନ୍ ମଧ୍ୟ ମିଳିପାରି ନାହିଁ ବୋଲି ପୋଲିସ ସୂତ୍ରରୁ ଜଣାପଡିଛି । ପରେ ମୃତ୍ୟ ଦେହକୁ ବାଗମୁଡି ପୋଲିସ ପୁରୁଲିଆ ମୂଖ୍ୟ ଡାକ୍ତରଖାନାରେ ବ୍ୟବଚ୍ଛେଦ କରାଇ ବୁଧବାର ଘର ଲୋକଙ୍କୁ ହସ୍ତାନ୍ତର କରିଥିବା ବାଗମୁଡି ଥାନା ଅଧିକାରୀ ସୂଚନା ଦେଇଛନ୍ତି । ଅନ୍ୟପକ୍ଷରେ ବାଦାମ ପାହାଡ଼ ଥାନା ଅଧିକାରୀ ଅମ୍ବିକା ଦାସ୍ ଦେଓଗାଁରେ ପହଞ୍ଚି ମୃତ୍ୟକଙ୍କ ପରିବାରକୁ ପଚରାଉଚରା କରି ଘଟଣାର ଅଧିକ ତଦନ୍ତ ଚଳାଇଛନ୍ତି । ତେବେ ଗାଡ଼ି ଭଡ଼ା ନେଇଥିବା ପପୁ ଓ ତାଙ୍କ ସାଥୀର କୌଣସି ପତ୍ତା ଏପର୍ଯ୍ୟନ୍ତ ମିଳିପାରି ନାହିଁ । ତେଣୁ ଆଫ୍ରଜ୍ କୁ ଯୋଜନାବଦ୍ଧ ହତ୍ୟା କରାଯାଇଛି ବୋଲି ପରିବାର ଅଭିଯୋଗ କରିଛନ୍ତି l