କନ୍ଧମାଳ ଜିଲ୍ଲାରେ ହାତୀ ଓ ବନ୍ୟଶୂକର ଉପଦ୍ରବ ଦିନକୁ ଦିନ ଗୁରୁତର ସମସ୍ୟା ହୋଇଉଠିଛି। ବିଶେଷକରି ଜି.ଉଦୟଗିରି, ଟିକାବାଲି ଓ ରାଇକିଆ ବ୍ଲକର ବନାଞ୍ଚଳ ସଂଲଗ୍ନ ଗ୍ରାମଗୁଡ଼ିକରେ ହାତୀପଲ ପ୍ରବେଶ କରି ଜନଜୀବନକୁ ବିପର୍ଯ୍ୟସ୍ତ କରୁଛି। ଏଥିରେ ଏପର୍ଯ୍ୟନ୍ତ ୫ ଜଣ ଆଦିବାସୀଙ୍କ ମୃତ୍ୟୁ ଘଟିଥିବା ସହ ୧୩ଟି ଗୃହପାଳିତ ପଶୁ ପ୍ରାଣ ହରାଇଛନ୍ତି। ଶହ ଶହ ଏକର ଚାଷଜମି ନଷ୍ଟ ହେବା ସହ ଘରବାଡ଼ି ମଧ୍ୟ ଭାଙ୍ଗିଯାଇଛି।ସନ୍ଧ୍ୟା ହେଲେ ହାତୀପଲ ଗାଁ ଭିତରକୁ ପଶିଆସୁଥିବାରୁ ଛାତ୍ରଛାତ୍ରୀଙ୍କ ପାଠପଢ଼ା, ଚାଷୀଙ୍କ ଜୀବିକା ଓ ସାଧାରଣ ଲୋକଙ୍କ ଦୈନନ୍ଦିନ ଜୀବନ ପ୍ରଭାବିତ ହେଉଛି। ଏହାକୁ ନେଇ ପ୍ରଶାସନ ଓ ବନ ବିଭାଗର ନିଷ୍କ୍ରିୟତା ପ୍ରତି ଅସନ୍ତୋଷ ମଧ୍ୟ ବଢ଼ୁଛି।ଏହି ପରିସ୍ଥିତିରେ ଜନସୁରକ୍ଷା ଓ ମାନବ-ବନ୍ୟଜନ୍ତୁ ସଂଘର୍ଷ ରୋକିବା ପାଇଁ ସ୍ଥାୟୀ ସମାଧାନ ଦାବି ଉଠିଛି। ତହସିଲଦାର ମାଧ୍ୟମରେ ମୁଖ୍ୟମନ୍ତ୍ରୀଙ୍କୁ ସ୍ମାରକପତ୍ର ମଧ୍ୟ ପ୍ରଦାନ କରାଯାଇଛି।
କନ୍ଧମାଳରେ ହାତୀ ଓ ବନ୍ୟଶୂକର ଉପଦ୍ରବ ଅତ୍ୟନ୍ତ ଗୁରୁତର ହୋଇପଡ଼ିଛି। ସ୍ଥାୟୀ ସମାଧାନ ନ ହେଲେ ଆଗାମୀ ଦିନରେ ଆନ୍ଦୋଳନ ଅଧିକ ତୀବ୍ର ହେବ।ଏହି ଅଞ୍ଚଳରେ ହାତୀ ଚଳାଚଳ ନିୟନ୍ତ୍ରଣ ପାଇଁ ସୋଲାର ଲାଇଟ୍, ପାଟ୍ରୋଲିଂ ଓ ସଚେତନତା ବ୍ୟବସ୍ଥା ଜରୁରୀ।ସମସ୍ୟାର ସ୍ଥାୟୀ ସମାଧାନ ପାଇଁ ପ୍ରଶାସନ ତରଫରୁ ଆବଶ୍ୟକ ପଦକ୍ଷେପ ନିଆଯାଉଛି, ତଥାପି ଅଧିକ ଯୋଜନା ଉପରେ କାମ ଚାଲିଛି।ଏହି ସମସ୍ୟା ଉପରେ ତୁରନ୍ତ ଦୃଢ଼ ପଦକ୍ଷେପ ନ ନିଆଗଲେ ବୃହତ୍ତର ଆନ୍ଦୋଳନ ହେବ ବୋଲି ସ୍ଥାନୀୟ ଲୋକେ ସଚେତନ କରିଛନ୍ତି।